महिपाळगड किल्ला

स्थान: चंदगड तालुका, कोल्हापूर जिल्हा
समुद्रसपाटीपासून उंची: ९८२ मीटर

संक्षिप्त इतिहास

महिपाळगड हा चंदगड तालुक्यातील एक ऐतिहासिक दुर्ग असून, छत्रपती शिवाजी महाराजांच्या आदेशाने त्याचा विकास करण्यात आला, असे मानले जाते. या किल्ल्याचे सर्वात मोठे वैशिष्ट्य म्हणजे येथून चारही दिशांचा विस्तीर्ण परिसर स्पष्टपणे दिसतो. प्राचीन काळात या किल्ल्याचा उपयोग सैन्याच्या हालचालींवर लक्ष ठेवण्यासाठी आणि संरक्षणासाठी केला जात होता. या किल्ल्याबाबत अधिक ऐतिहासिक माहिती उपलब्ध नाही.

महिपाळगड हा कोल्हापूर शहरापासून सुमारे ८७.६ कि.मी. अंतरावर, सह्याद्रीच्या निसर्गरम्य परिसरात वसलेला आहे. शांत वातावरण, प्राचीन वास्तू आणि धार्मिक स्थळांमुळे हा किल्ला इतिहासप्रेमी, ट्रेकर्स आणि निसर्गप्रेमींसाठी आकर्षणाचे केंद्र आहे.

पाहण्यासारखी ठिकाणे

• वैजनाथ मंदिर


• आरोग्य भवानी मंदिर


• प्राचीन विहीर


• प्राचीन गुहा


• अंबाबाई मंदिर


• शिव मंदिर

राहण्याची व्यवस्था

किल्ल्यावर हॉटेल किंवा निवासाची सुविधा उपलब्ध नाही. मात्र, स्थानिक ग्रामस्थांच्या घरी मुक्कामाची व्यवस्था होऊ शकते. भोजनाची व्यवस्था पर्यटकांनी स्वतः करावी.